Saturday, April 28, 2007

இன்றைய ஐ.டி வேலைகள் - தகுதி

1990-களின் இறுதியில் கணினி சார்ந்த வேலைகளுக்கு இந்தியாவில் பெரும் வரவேற்பு இருந்தது. கல்லூரிப் படிப்பில், பி.டெக்/பி.ஈ டிகிரியில் ஐ.டி என்ற துறை (கணினியியல் தவிர்த்து) உருவாக்கப்பட்டது. இதைத்தவிர பி.சி.ஏ, எம்.சி.ஏ, பி.எஸ்சி, எம்.எஸ்சி (கணினியியல்) ஆகியவை சக்கைப்போடு போட்டன. கணினி அடிப்படை, புரோகிராமிங் ஆகியவற்றைக் கற்றுத்தர ஏகப்பட்ட தனியார் கல்வி நிலையங்கள் தோன்றின. இவை தாமாகவே சில பட்டயங்களை (Diploma) தந்தன. டேட்டாபேஸ், மல்ட்டிமீடியா, SAP என்று பலவற்றையும் பல லட்சம் ரூபாய் கொடுத்து மாணவர்கள் கற்றுக்கொண்டனர்.

2000-த்தில் டாட்காம் குமிழ் உடைந்ததும் சிறிதுகாலத்துக்கு பெற்றோர்கள், மாணவர்கள் ஐ.டியிலிருந்து விலகியே இருந்தனர். 2002-லிருந்து மெதுவாக, மீண்டும் ஐ.டி துறையில் வேலைகள், படிப்புகள் அதிகமாகிக்கொண்டே வருகின்றன.

இப்பொழுது 12-ம் வகுப்பு முடித்துவிட்டு பல மாணவர்கள் அடுத்து என்ன படிக்கலாம், எங்கு சேரலாம், மாலை நேரங்களில் கணினி தொடர்பாக என்ன கற்றுக்கொள்ளலாம் என்று யோசிக்கவேண்டிய நேரம் வந்துள்ளது. இது தொடர்பாக ஐ.டி துறையில் வேலை செய்வோர் தங்களது கருத்துகளை எழுதமுடியுமா?

ஐ.டியில் வேலை செய்யாத என்னுடைய சில குறிப்புகள் இங்கே:

1. மேசைக்கணினியில் இயங்கக்கூடிய செயலிகளை (Applications) உருவாக்க: இன்று மிக அதிகமாகப் பயன்படுத்தப்படும் மேசைக்கணினிகள் மைக்ரோசாஃப்ட் இயங்குதளத்தைக் கொண்டிருப்பவையே. எனவே இவற்றில் வேலை செய்யக்கூடிய செயலிகளை வடிவமைக்கத் தெரிந்திருக்கவேண்டிய மொழிகள்: Visual Basic .NET, Visual C++ .NET, C, C++, C# (இவற்றுள் ஏதோ ஒன்று, அல்லது மேற்கொண்டு)

2. இணையத்தில் தளங்களை (Web Sites) உருவாக்க, சேவை வழங்கிகளை (Application Servers) உருவாக்க: மைக்ரோசாஃப்ட் அல்லது யூனிக்ஸ் (லினக்ஸ்) தொழில்நுட்பம் இரண்டையும்கொண்டு இதனைச் செய்யலாம். தேவையான மொழிகள்: HTML, Javascript, Ajax, XML, ASP .NET, Perl, PHP, Java (J2EE).

3. தரவுத்தள வடிவமைப்பு (Database Servers): இன்று இணையத்தில் உள்ள பல சேவைகளுக்கும் பின்னணியில் தரவுத்தளங்கள் உள்ளன. இவை SQL என்னும் மொழியில் இயங்கும் செயலிகள். இவற்றில் இலவசமாகக் கிடைக்கும் MySQL, PostgreSQL, விலைக்குக் கிடைக்கும் Oracle, DB2, Microsoft SQL ஆகியவை அடங்கும். இவை அனைத்துக்கும் அடிப்படை SQL மொழி என்றாலும் ஒவ்வொரு தரவுத்தளச் செயலியும் தனக்கே உரித்தான சில மாறுதல்களைக் கொண்டவை. எனவே அவற்றைத் தனியாகக் கற்கவேண்டிவரும்.

4. இணைய (வழங்கி) நிர்வாகம் (System/Network Administration): இணையச் சேவைகளை வழங்கும் கணினிகள், இணைப்புகள், கணினிகளில் உள்ள செயலிகள் ஆகியவற்றை நிர்வகிப்பது, வைரஸ், எரிதங்கள் வராமல் பாதுகாப்பது போன்ற செயல்கள். இது ஒரு கணினி மொழியைக் கற்பதைப் போன்றதல்ல. பல விஷயங்களைத் தெரிந்துகொள்ளவேண்டும். மைக்ரோசாஃப்ட், லினக்ஸ் போன்ற இயங்குதளங்களைப் பற்றியும் அவற்றை எப்படி கணினியில் நிர்மாணிப்பது என்றும் தெரிந்துகொள்ளவேண்டும். புதிய செயலிகளைக் ஒவ்வொரு இயங்குதளத்திலும் நிர்மாணிப்பது என்றும் அறியவேண்டும்.

5. செல்பேசி: நம் கையில் இருக்கும் செல்பேசியும் கணினியைப் போன்றதுதான். அதற்கென ஓர் இயங்குதளம் உண்டு. நோக்கியா போன்றவை சிம்பயான் (Symbian) என்ற இயங்குதளத்தைக் கொண்டுள்ளன. முக்கால்வாசி செல்பேசிகளுமே இன்று ஜாவாவில் (J2ME) உருவாக்கிய செயலிகளை இயக்கக்கூடியவையாக உள்ளன. குவால்காம், ப்ரூ (BREW) என்ற மேடையை உருவாக்கியுள்ளது. சில செல்பேசிகள் இதற்கு ஆதரவு தருகின்றன. கைக்கணினிகள் பல PalmOS என்ற இயங்குதளத்தைக் கொண்டுள்ளன. இந்தச் சூழல்களில் நிரலிகளை எழுதுவதையும் ஒருவர் கற்றுக்கொள்ளலாம்.

6. மல்ட்டிமீடியா: டைப்செட்டிங், கிராஃபிக்ஸ், அனிமேஷன், ஒலி, ஒளி. இவற்றுக்கு பல செயலிகள் உள்ளன. ஒவ்வொன்றையும் கற்றுக்கொள்ளவேண்டும். Adobe Photoshop, CorelDraw, Pagemaker, InDesign, Flash, Maya, SoundForge, மேற்கொண்டு பல இருக்கலாம்.

இதில் எந்தத் துறையாக இருந்தாலும் அடிப்படையை முதலில் நன்றாகக் கற்றுக்கொண்டு, ஒரு மொழியையோ, செயலியையோ முழுவதுமாகப் பயன்படுத்தக் கற்றுக்கொள்ளுங்கள். பிறகு அத்துடன் நெருங்கிய தொடர்புகொண்ட பிறவற்றைக் கற்றுக்கொள்வது நலம்தரும்.

[மேலே ஏதேனும் பெரிய அளவில் விடுபட்டிருந்தால், எழுதுங்கள். சேர்த்துவிடுகிறேன்.]

2 comments:

  1. Hi Badri,

    Please include Embedded, Networking and Telecom software development. This includes learning TCP/IP Protocols, core knowledge in different IP protocols and telecom protocols. Most of these development happening using C and C++ languages under Linux or any proprietory real time Operating Systems.

    - Franklin

    ReplyDelete
  2. voice technology(vxml) have great future..
    everybody industry is going to implement voice tech in future starting from call centers.. let us see in next 10 years..
    microsoft has released MSS. by using this we can develope an voice app quick.. microsoft is delevering products which reduces workload to programmers.. and ofcourse google is doing great job for people especially IT people but reducing IT persons brains activity..

    ReplyDelete