Thursday, November 05, 2009

நரம்பியலும் கலை ஆர்வமும் - VS ராமச்சந்திரன்

இங்கு Neurology என்பதை நரம்பியல் என்கிறேன். பயந்துவிட வேண்டாம். இதுதான் உலகப் புகழ் பெற்ற நரம்பியல் நிபுணர், மருத்துவர், யுனிவெர்சிடி ஆஃப் கலிஃபோர்னியாவின் உளவியல், நரம்பியல் துறையின் மூளை மற்றும் கற்றல் மையத்தின் இயக்குனர் விலையனூர் ராமச்சந்திரன் பேசப்போகும் பேச்சின் தலைப்பு.

நாம் ஏன் கலையை ரசிக்கிறோம்? இந்திய சிற்பக் கலையிலோ, ஓவியக் கலையிலோ அப்படி என்னதான் உள்ளது? நம் கண்கள் அவற்றைப் பார்த்து, மூளைக்கு என்ன சிக்னல்களை அனுப்புகின்றதன? மூளை எதனை உணர்ந்து ஒரேயடியாக அகமகிழ்ந்து போகிறது?

உலக அளவில் உள்ள எல்லாவிதமான கலைகளுக்கும் என்று ஏதேனும் அடிப்படை ஒற்றுமை உள்ளதா? சாதாரண ஒரு கேமரா பிடிக்கும் படம் எல்லாம் கலை என்ற வகையில் சேருமா? நம் மூளை ஒரு சாதாரண ஓவியத்தை எப்படி உணர்கிறது? ஆனால் அதே நேரம் ஒரு மாமல்லபுரம் சிற்பத்தையோ பிகாஸோ ஓவியத்தையோ பார்க்கும்போது மூளை எப்படி உணர்கிறது?

இதைப் பற்றியும், மேலும் பல விஷயங்களைப் பற்றியும் பேச உள்ளார் டாக்டர் ராமச்சந்திரன். இவர் கீநோட் பேச்சு கொடுக்காத இடமே இல்லை. இவரைப் பாராட்டாத ஆட்களே இல்லை. உதாரணத்துக்கு, பரிணாம உயிரியல் மேதை ரிச்சர்ட் டாக்கின்ஸ், ராமச்சந்திரனை நரம்பியல் மருத்துவத்துறையின் மார்க்கோ போலோ என்று பாராட்டியுள்ளார். ராமச்சந்திரன் எழுதியுள்ள Phantoms in the Brain என்ற புத்தகம் மிகவும் புகழ்பெற்றது. அதைப்பற்றியும் அவருடன் நானும் பலரும் கலந்துகொண்ட ஒரு உரையாடலைப் பற்றியும் நான் முன்னர் எழுதிய பதிவு இதோ.

இந்த சுவையான பேச்சு நடக்க இருக்கும் நேரம் மாலை 5.30 மணி, நாள்: சனிக்கிழமை 7 நவம்பர் 2009, இடம்: காந்தி ஸ்டடி செண்டர், தக்கர் பாபா வித்யாலயா பின்புறம், அமைப்பு: தமிழ் பாரம்பரியக் குழுமம்.

இது தொடர்பாக மேற்கொண்டு தகவல் வேண்டும் என்றால் நீங்கள் என்னை தொலைபேசியில் தொடர்புகொள்ளலாம். (98840-66566)

4 comments:

  1. Badri,

    Thanks for the information about this event. Could not wait to listen to this one.

    For others, V S Ramachandran - some of his speeches are available at TED.COM. You can see and enjoy the talk at this URL - http://www.ted.com/talks/lang/eng/vilayanur_ramachandran_on_your_mind.html

    Thanks Badri.

    Venkat

    ReplyDelete
  2. He gave series of lectures few years ago

    http://www.bbc.co.uk/radio4/reith2003/lecturer.shtml

    Ravi

    ReplyDelete
  3. One of his researches on paralysis is being televised as a documentary on Indian NatGeo/Discovery. Very mesmerising orateur he is.

    ReplyDelete
  4. any body known hot to download video from ted site

    ReplyDelete